Ladizlaus Dei gracia Rex Hungarie fidelibus suis Judici de Castro Budensi pro tempore constituto, Juratis et vniuersis ciuibus Castri eiusdem salutem et graciam. Dixit nobis domina Elisabeth nostra soror karissima, quod vos quosdam mercatores de Zolunkemen et de Zemlen non soluto tributo consueto abire permisistis. Vnde cum per hoc iuri ipsius domine Elisabeth non modicum derogetur; fidelitati vestre precipiendo mandamus, quatenus statim uisis presentibus ab omnibus mercatoris (igy) de Zolunkemen et de Zemlem ac ab alijs quibuscumque tributum consuetum dari et persolui faciatis ex integro, non obstantibus litteris nostris, si que per eosdem mercatores fuerint presentate. Cetorum uolumus, quod de tributo, quod per uestram negligenciam non est persolutum, officialibus eiusdem domine Elisabeth omnimodam satisfaccionem impendatis, remotis amore, timore uel fauore aliquorum; quia uolumus, quod omnes mercatores tributum karissime sorori nostre debitum persoluant iuxta consuetudinem ab antiquo obseruatam. Datum Bude in octauis Petri et Pauli Apostolorum anno Domini MşCCş octugesimo septimo.

(Eredetie bőrhártyán, pecsétje elveszett, a budai kir. kamarai levéltárban.)