Nos Ladizlaus Dei gracia Rex Hungarie memorie commendantes significamus quibus expedit vniuersis, quod nos ad peticionem et iustanciam domini Zawisij Ducis de Opauia karissimi generis (igy) nostri, et domine Elizabeth consortis eiusdem sororis nostre karissime, vniuersas possessiones nobilium dominarum Deo jugiter famulancium de Insula Beate Virginis, uillas scilicet, vineas, molendinum et pallacia de Calidis Aquis, ac ipsam insulam Beate Virginis cum omnibus pertinencijs earundem ubique in Regno nostro existentibus, simul cum tributo fori seu porte Castri Budensis, prout antea pro ipsis dominabus exigi consueuerat; reddidimus et restituimus eisdem nobilibus dominabus, et per eas Monasterio Beate Virginis perpetuo possidendas pariter et tenendas; omnes litteras et instrumenta, si que in contrarium super facto possessionum dictarum nobilium dominarum pro aliquo ex parte nostri processiscent, auctoritate presencium rouocantes. Datum Strigonij Sabbato proximo post quindenas Pentecostes, anno Domini Mş CCş octuagesimo octauo.

(Zsigmond királynak 1428-ki átiratából, mely papiron kelt „Bude in die Rogacionum” s melyet kért „religiosus vir frater Cosmas Ordinis Sancti Dominici Prior Claustri Beate Virginis de Insula Leporum nominibus ei in personis religiosarum dominarum sanctimonialium eiusdem Claustri;” a budai kir. kamarai levéltárban.)