Excellentissimo domino suo L. Dei gracia illustri Regi Hungarie Conuentus Cruciferorum Sancti Regis Stephani oraciones in Domino continuas et deuotas aput Dominum pro eodem.Vestra nouerit Celsitudo, nos recepisse litteras uestre Maiestatis cum debita reuerencia, continentes, ut hominem nostrum mitteremus pro testimonio, coram quo Ladizlaus filius Lopret de Julafener homo vester accederet ad terram Chetre et Balisey ac Gregorij Gormoth vocatam, decedencium sine solacio liberorum, et sciret rei veritatem de predicta terra, vtrum esset vacua et habitatoribus destituta nec ne. Nos uero mandatis vestris assurgentes fideliter, vnum ex nobis fratrem nostrum curauimus destinare, qui postmodum ad nos rediens nobis dixit, quod prefatus Ladizlaus homo uester vna cum predicto fratre nostro ad faciem predicte terre accessisset, et eandem terram vacuam inuenisset, sine herede decedencium; et eandem reambulasset et statuisset coram eodem fratre nostro Magistro Zuard sine preiudicio iuris alieni, nullo obstante et contradicente. Cui terre terra Capituli Strigoniensis a parte occidentali, a parte uero orientali terra domini Archiepiscopi uicinantur, sicut a prefato fratre nostro dedicimus seriatim. Datum feria quarta post octauas Petri et Pauli Apostolorum.

(IV. László királynak 1283-ki adományleveléből mint fentebb 335. sz. a.)