(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christij fidelibus presentem paginam inspecturis salutem in omnium saluatore. Vt collaciones Regie perpatua firmitate solidentur litterarum solent testimonio communiri; inconcussum quippe permanet, quod Regio fuerit patrocinio communitum. Proinde ad vniuersorum noticiam tenore presencium volumus peruenire: quod Endree, Dyonisius et Lothardus filij Lothardi de genere Gutkeled ad nostram accandentes presenciam a nobis instantissime supplicando pecierunt, vt collectam populorum suorum in Comitatu Wlko existencium, martuninarum videlicet, septem denariorum vt victualium, que wlgariter sulusma nuncupatur, eisdem relaxare de benignitate Regia dignaremus. Nos igitur consideratis sernicijs et fidelitatibus prefatorum Endree, Dyonisij et Lothardi, que in: omnibus expedicionibus Regni nostri fideliter impenderunt, omnes populos seu iobagiones ipsorum, in prefato Comitatu commorantes, a predicta exaccione collecte marturinarum, septem denariorum et eciam victualium omnino duximus exhimendos; ita vt de cetero Bano pro tempore constituto exaccioni seu collecte huiusmodi in nullo dinoscantur adiacere, sed omnino expediti et exempti habeantur. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus venerabilis patris Thome Episcopi Wachiensis aule nostre Cancellarij dilecti fidelis nostri anno Domini MşCCşLXXXş nono.

(Robert Károly királynak 1314. „XV. kalendas Marcij” kelt megerősitő privilegiumából, melyet „Magister Mortunus filius Endre Bani” kért; a főmélt. herczeg Eszterházy család levéltárában.)