Ladizlaus Dei gracia Rex Vngarie fidelibus suis Capitulo Strigoniensi salutem et graciam. Cum nos ad peticionem discreti viri Magistri Pauli Prepositi Strigoniensis Legum Doctoris et Aministratoris Quinqueecclesiarum, fidelis et familiaris Clerici Domus nostre, terras et possessiones Mathey et Cosme filiorum Mutud in territorijs de Zumur et de Vduornuk constitutas sine herede decedencium, Damyano, Endre, et Georgio filijs Andree primogeniti eiusdem Mutud, seruientibus ipsius Prepositi, pariter cum vineis, siluis et fenilibus ac alijs vtilitatibus suis, dederimus et donauerimus pleno iure ad manus nostras Regias iuxta Regni nostri consuetudinem deuolutas; volumus, et fidelitati uestre precipientes mandamus, quatenus detis testimonium vestrum ydoneum, coram quo Stephanus filius Lentur, homo noster, predictas terras et possessiones filiorum Mutud filijs dicti Andree sine juris preiudicio alieni cum omnibus suis vtilitatibus et pertinencijs statuat et assignet, si non fuerit contradictum, contradictores vero si qui fuerint ad nostram citet Presenciam ad terminum competentem, et posthec diem citacionis et terminum assignatum, simul cum facti serie nobis fideliter rescribatis. Datum in Vgad feria sexta proxima ante festum Sancti Nicolai confessoris.

(Az esztergami káptalannak ugyanis 1289-ki jelentéséből, mint alább. 361. sz. a.)