Exellentissimo domino suo domino Ladizlao Dei gracia Illustri Regi Vngarie Capitulum Ecclesie Strigoniensis oraciones in Christo debitas et deuotas. Vestra nouerit Regia Celsitudo, nos recepisse uestras litteras cum debita reuerencia in hec uerba:

Ladizlaus Dei gracia Rex Vngarie stb. (következik IV. László királynak iktató parancsa mint fentebb 356. sz. a.)

Nos igitur Excellencie Uestre mandatis. ut teremur, fideliter et obedienter satisfacere cupientes, ad reambulandas et statuendas illas possessiones sev terras hominem nostrum ydoneum et fide dignum pro testimonio cum homine uestro curauimus destinare. Qui tandem ad nos reuersi nobis concorditer recitarunt; quod ipsi conuocatis commetaneis et vicinis, predictas terras siue possessiones Mathey et Cosme antedictorum, in territorijs de Zumur et de Vduornuk inter terras et alia iura aliorum hominum mixtim sitas, vna cum suis vtilitatibus, videlicet tribus vineis, fenetis, virgulto, siluis, et alijs omnibus appendicijs et pertinencijs suis in presencia commetaneorum et vicinorum suorum in nullo contradicencium, eisdem filijs Andree pacifice statuissent in perpetuum possidendas. Ex quibus commetaneis et vicinis Lucus et Blasius de Symeg, Tyba filius Magistri Bench, filius Bartholomei nomine Nicolaus de Germen, Michael filius Sixti de eadem, Blasius et Antol filij Barca de Zumur, Leonardus de Bisey, Ders et fratres sui filij Gregorij de Bersey, et populi nostri de Epel reambulacioni et assignacioni earundem terrarum siue possessionum interfuerunt, consensum et assensum prebentes. Prout hec omnia et singula premissorum ab homine vestro et nostro recollegimus et didicimus seriatim. Datum in vigillia Beati Thome Apostolica.

(Eredetie bőrhártyán, a pecsét elveszett; a budai kir. kamarai levéltárban.)