Vniuersis Christi fidelibus presentes litteras inspecturis Capitulum Ecclesie Posoniensis salutem in salutis auctore. Ad vniuersorum noticiam tenore presencium volumus peruenire, quod constituti coram nobis personaliter Tolueius filius Tecus, et filia eiusdem Aglonth nomine, relicta Alexandri filij Sauli de Corcha cum duabus paruiculis filiabus suis Elizabeth et Margareta vocatis ab una parte, et Ladizlaus filius Sauli frater predicti Alexandri pro se et pro filijs suis Chelleo et Johanne ab altera, sunt confessi uiua uoce, quod licet mota fuerit materia questionis inter ipsos super dote et rebus parafarnalibus predicte domine Aglonth, et quarta parte paternarum possessionum predictas filias eiusdem domine contingente, sicque diu ordine iudiciario altercati fuissent; tandem ad ultimum mediantibus probis viris taliter concordassent: quod idem Ladizlaus pro dote et dotalicijs ac rebus parafarnalibus pre dicte domine, et quarta parte filiarum eiusdem deberet soluere sex marcas; quas quidem sex marcas ijdem Tolueius, domina Aglonth filia sua, pro se et pro duabus filiabus suis supradictis confessi sunt ab ipso Ladizlao se recepisse plenarie et habere; et sic ipsum Ladizlaum et filios suos Chelleum et Johannem de dote et dotalicijs ac rebus parafarnalibus predicte domine, et quarta parte filiarum eiusdem ipse Toluerius et predicta domina Aglont reddiderunt in nostri presencia penitus expeditos; obligantes se quod quicunque processu temporum ipsum Ladizlaum aut filios suos predictos Chelleum et Johannem racione dotie et rerum parafarnalium predictarum ac quarta parte uolnerit inpetere uel uexare; extunc eadem domina et predietus Toluerius tenebuntur eos expedire proprijs laboribus et expensis. In cuius rei memoriam presentes nostras concessimus litteras sigilli nostri munimine roboratas. Anno Domini MşCCşLXXXş nono.

A B C D

(Az eredeti után; közli T. Dergi Somogyi Antal ur.)