Nos frater Andreas miseracione Diuina Abbas Zaladiensis et totus eiusdem loci Conuentus, ad uniuersorum tam presencium quam posterorum noticiam volumus peruenire presencium per tenorem: quod domina relicta Comitis Nicolai filij Chak Bani, et Comes Herbordus filius Lancrecij, cui ea dem domina totam causam suam dedit et dimisit pro se quondam ab una parte, et Comes Ochuz filius Magistri Buzad ab altera coram nobis personaliter constituti; eadem domina simul cum Comite Herbordo quandam possessionem suam Kwthfeu vocatam in Oltaruch existentem, per antiquas metas et terminos, et cum omnibus vtilitatibus et pertinencijs su is receptis triginta marcis a Comite Ochuz ad plenum, eidem Comiti Ochuz, et per eum suis heredibus heredumue suorum successoribus, digerunt uendidisse in perpetuum possidendam pleno iure. Cui terre Kuthfev uocate ab occidente commetanei sunt Magister Buza et Fridericus filij Chak Bani, et ab oriente sunt mete terre Descych; item a meredie separat Gurges siue riuus Oltaruch; et ab aquilone in una partitula tangit terra Bachita vocata. Eo pacto interposito, quod nulla temporum spacia futurorum nec ipsa domina nec Comes Herbordus, nec eciam aliquis cognatorum suorum super predicta possessione Kutfeu uocate (igy) Comitem Ochuz uel suos heredes poterunt aliqualiter molestare. Et si quispiam premisse ueudicionis transgessor uel impeditor existeret, predicta domina et Comes Herbordus Comitem Ochuz et suos heredes assumpserunt expedire suis laboribus et expensis. In cuius rey memoriam firmitatemque perpetuam ad peticionem parcium presentes concessimus litteras sigilli nostri munimine communitas. Datum anno Domini MşCCş octagesimo nono.

(Eredetie bőrhártyán, melyről a pecsét sárga-vörös selyemzsinóron függ; a budai kir. kamarai levéltárban.)