Venerabili in Christo patri domino fratri Gregorio Episcopo Traguriensi; ac reverendo viro domino Leonardo Fan letro Plebano Sancti Angeli de Venecijs, Morinensi et Sibenicensi Electo; ac Clericis Traguriensibus, Marcellus Dei gracia Episcopus Nonensis, Johannes Abbas Monasterij Sancti Grisogoni Jadrensis, et Jacobus Archidiaconus Spalatensis, domini Pape delegati seu executores ad infrascripta, salutem in Domino Jesu Christo. Noueritis, nos a Sanctissimo Patre domino Nicolao Papa Quarto recepisse litteras formam huiusmodi continentes:

Nicolaus Episcopus stb. Episcopo Nonensi stb. (következik IV. Miklós pápának 1288-ki rendelete mint fentebb 341. sz. a.)

Cum itaque mandatum tanti patris preterire nullatenus debeamus, sed velimus et intendimus ipsum mandatum, vt tenemur, cum effectu exequi reuerenter; auctoritate qua fungimur ex parte Sanctissimi Patris et domini Nicolai Summi Pontificis prelibati, vos citamus communiter et diuisim peremptorie; vos et quoslibet alios, qui sua crediderit interesse vt infra sex mensium spacium post citacionem huiusmodi peremptorie per vos, vel per procuratores idoneos cum omnibus actis, iuribus et munimentis vestris dictam causam contingentibus, Apostolico vos conspectui presentetis, facturi et recepturi super premissis, quod ordo dictauerit racionis. In cuius rei testimonium presentibus nostra facimus appendi sigilla.

(Lucius, Memorie storiche di Trau 124. l.)