In Christi nomine Amen. Anno Domini MşCCşLXXXş nono die VIIş intrante mensis Aprilis indiccione secunda; pre sentibus nobilibus et sapientibus viris dominis Tharobotto de Tharabottis Spalatensi Potestate, Jurissa filio Radoy, Petro filio Nicolai, et Simone Siculi Sibenicensi, et alijs pluribus testibus vocatis ad hec specialiter et rogatis. Nobilis vir dominus Cepregna Judex Sibenicensis presentauit et dedit Magistro Francisco Notario Spalatensi ex parte venerabilis domini Marcelli Episcopi Nonensis, ac religiosi viri domini Johannis Abbatis Monasterii Sancti Chrisogoni Jadrensis, ac discreti viri domini Jacobi Archidiaconi Spalatensis, Domini Nicolai Pape Quarti Judicum delegatorum seu exequutorum in questione Traguriensi et Sibenicensi quoddam exemplum citacionum factarum venerabili patri domino... Episcopo Traguriensi et nobili viro domino... Sibenicensi Electo, per predictos executores clausum et sigillatum tribus sigillis ipsorum sanis et integris; semper dicendo et protestando, quod placeat eidem Magistro Francisco scribere, facere et complere totum illud, quod continetur in exemplo predicto. Cuius exempli tenor de verbo ad verbum talis est:

Istud est exemplum citacionum, quod nos Marcellus Episcopus Nonensis, Johannes Abbas Sancti Chrisogoni Jadrensis, et Jacobus Archidiaconus Spalatensis, domini Pape Judices delegati vobis Magistro Francisco Notario Spalatensi mittimus anno Domini, die, loco et testibus etc. ponatis secundum ordinem.

Reuerendus et nobilis vir dominus Jacobus Archidiaconus Spalatensis presentauit et dedit venerabili patri domino Gregorio Dei gracia Episcopo Traguriensi quasdam litteras sigillatas tribus sigillis cere viridis, sanis et integris, non viciatis, non cancellatas vel in aliqua sui parte abolitas; ipsorum sigillorum vnum erat domini Marcelli Episcopi Nonensis, aliud domini Johannis Abbatis Monasterij Sancti Grisogoni Jadrensis, tercium vero domini Jacobi Archidiaconi Spalatensis; quas dictus Archidiaconus eidem domino Episcopo presentauit et dedit ex parte domini Episcopi et Abbatis et sui ipsius, delegatorum seu exequntorum a domino Nicalao Papa Quarto deputatorum per ipsius domini Pape litteras. Quarum litterarum delegatorum tenor de verbo ad verbum talis est:

Venerabili stb. fratri Gregorio Episcopo Traguriensi stb. (következik a 369. sz. a. idézési rendelet.)

Ac precepit eidem domino Traguriensi Episcopo exparte domini Pape, vt per se, vel per procuratorem idoneum infra sex mensium spacium cum omnibus actis, iuribus ac munimentis suis contigentibus causam contentam in litteris antedictis Apostolico se debeat conspectui presentare, facturus et recepturus super premissis, quod ordo dictauerit racionis. Quas quidem litteras domini Pape humiliter et benigne suscepit Episcopus memoratus. Actum in Traguris etc. presentibus talibus etc.

Ego Franciscus etc.

Et sciatis, quod vnum aliud instrumentum simile isto domino Electo Sibenicensi mittendo diem, locum et testes, et ipsum de verbo ad verbum adhuc conficere debetis, secundum mandatum vobis factum per nos Archidiaconum Spalatensem. Et secundum istorum exemplum volumus, vt tenemini, conficiatis duo instrumenta citacionum, videlicet domini... Episcopi Traguriensis, et domini... Electi Sibenicensis, quod exemplum est clausum, et sigillatum nostris tribus sigillis.

Item eodem die, loco, hora et testibus supradictis; idem dominus Judex predicto Magistro Francisco Notario ex parte predicti domini Archidiaconi Spalatensis presentauit et dedit quasdam litteras clausas sigillatas ipsius sigillo cere viridi, sano et integro. Quarum tenor de verbo ad verbum talis est:

Jacobus Archidiaconus Spalatensis stb. discreto viro domino Magistro Francisco Notaris Ciuitatis Spalati stb. (következik a 371. sz. a. okirat.)

(Ugyanott.)