Jacobus Archidiaconus Spalatensis domini Nicolai Pape Quarti Judex delegatus siue executor in questione Sibenicensi et Traguriensi discreto viro domino Magistro Francisco Notario Ciuitatis Spalatensis salutem in Domino. Cum vos ad preces et mandatum nostrum confecissetis duo instrumenta in questione predicta Sibenicensi et Tragurinensi; que instrumenta non sunt nostra, imo Romane Ecclesie et Summi Pontificis prelibati; et illa sunt culpa vestri non modicum defectiua, et nullius valoris, nec confecta secundum nostrum exemplum; de quo possetis grauiter in personam puniri, et specialiter quando instrumenta papalia non conficitis, vt tenemini et debetis. Vobis auctoritate, qua fungimur a domino Papa predicto, precipimus et sub excommunicacionis pena mandamus; quam penam vos volumus incurrere ipso facto, si nostrum mandatum, quod non credimus, neglexeritis adimplere quatenus predicta instrumenta secundum exemplum, quod vobis mittimus per latorem presencium, ponendo testes, diem locum et preceptum oretemus per nos factum Electo Sibenicensi et Episcopo Traguriensi predictis; et ipsorum responsiones infra quatuor dies a presentacione presencium conficere et emendare curetis, et ea latori presencium detis. Quod exemplum est clausum, nostro et meorum coniudicum sigillatum sigillis. Et ne moremini, si ipsi vobis non scribunt; quia non possunt, nec debent; quia ab ipsis non habuistis aliquid in mandatis, nisi solummodo a nobis. Et si predictum nostrum mandatum neglexeritis totaliter adimplere, vos certos reddimus et securos, quod nos vna cum coniudicibus nostris vos intendimus arguere et accusare de falso, coram quo de iure debemus; et per confessionem vestram iam factam in judicio coram notario et testibus infinitis optime nostram intencionem probabimus. Datum Jadre die VI. exeunte Marcij MşCCş octuagesimo nono, indiccione secunda.

(Ugyanott.)