Ladizlaus Dei gracia Rex Hungarie fidelibus suis vniuersis Judicibus in suo Regno pro tempore constitutit, quibus presentes ostenduntur, salutem et graciam. Cum Ecclesia Beate Virginis de Insula a tempore sue fundacionis iuxta instituta domini Bele aui nostri, et domini Stephani patris nostri, felicium recordacionum quondam illustrium Regum Hungarie, tali gratularetur libertate, quod populos seu iobagiones eiusdem, in quouis Comitatu existentes, super quolibet articulo nullus Judicum Regni nostri ualeat, excepta persona nostra Regia, iudicare, nisi primitus coram suo judice ordinario conueniantur et euocentur; volumus et fidelitati vestre firmiter precipiendo mandamus, quatenus receptis presentibus populos seu iobagiones Ecclesie eiusdem Beate Virginis de cetero nullus vestrum debeat vel presumpmat aliquatenus iudicare, vel suo iudicio astare compellat; sed si qui contra eosdem aliquid agere habuerint aut voluerint, prius super qnolibet articulo coram suo iudice ordinario experiantur iusticia mediante. Qui si in facienda iusticia negligens aut remissus extiterit; volumus, quod non ipsi populi, sed iudex ipsorum ad nostram Presenciam ordine indiciario debeant euocari; aliud nullatenus facere presumpmendo. Alioquin transgressores nostri Regij mandati, si qui extiterint, indignacionem Regiam se grauiter sencient incurrisse. Datum in Zorvosholm in festo Sancti Johanuis Baptiste anno Domini MşCCş nonagesimo.

(III. Endre királynak 1298-ki megerősitő okmányából.)