Nos Ladizlaus Dei gracia Rex Hungarie memorie commendantes significamus vniuersis, quod ob merita fidelium seruiciorum Magistrorum Stephani videlicet et Pauli filiorum Comitis Micaelis filij Wbul, que nobis et Regno nostro in diuersis expedicionibus fideliter et incessanter impenderunt, vniuersas possessiones et terras Nicolai et fratrum suorum filiorum Chetnek, ac cognatorum suorum, uidelicet Elie et Barnaba, propter nociuas et manifestas infidelitates eorundem, contra nostram Maiestatem erectis vexillis quampluries factas et irrogatas; et specialiter quia Comes Petrus, frater dictorum Stephani et Pauli fidelium nostrorum, in seruicio nobis exibendo, per dictos filios Chetnek est interemptus, eisdem Stephano et Paulo dedimus et contulimus perpetuo possidendas. Datum prope Chegled in dominica Oculi anno Domini MşCCş nonagesimo.

(Eredetie bőrhártyán, a hátul oda nyomott pecsétnek töredéke még megvan; a nemes Kállay család levéltárában.)