A B C

Nos Capitulum Ecclesie Beati Michaelis Archangeli de Castro (Ferreo) notificamus tenore presencium vniuersis, quod Nicholaus filius Sebe de genere Jak coram nobis constitutus obligauit se, quod si possessiones suas Jak sitas iuxta ecclesiam Beati Michaelis Archangeli, et Keuruselew uocatas a parte septemtrionali, vendicioni exponere uoluerit, non poterit alijs, nisi Comiti Jak et Renoldo filijs Ebed, ac Stephano filio Jak, Johanni filio Christiani, Kemyn filio Kemyn, Johanni filio Martini, Michaeli filio Thome, Gregorio filio Sandur, et Myhe filio Benedicti generacionibus suis; si uero in extremis suis legare Ecclesie uoluerit prescriptas possessiones, non poterit nisi precium uel ualorem earundem. Cuius quidem Nicholay composicioni Chepanus et Laurencius de Sicke, Sebe, Paulus et Beke, Nicolaus filius Zooch pro se et pro Paulo, Beke, Dionisio et Zooch fratribus suis vterinis, Martino et Paulo filijs Ladizlai, Ladizlao filio Dionisi, propinquis prescripti Nicholay consensum prebuerunt et assensum, obligantes se, quod nullius temporis lapsu Nicholaus et prescripti viri ad illam partem silue Rabe, ubi Comes Jak et fratres sui commorantur, se possunt transferre; et e contra Jak et Renoldug ac eorum propinqui ad alteram partem silue Rabe, in qua Chepanus et Laurencius manent, resident et utuntur, nichilominus racione possessionum poterunt uendicare. Si uero prescriptus Nicholaus ipsas possessiones conferre seu donare Jak et Renoldo filijs Ebed ac socijs suis ex gracia uel fauore uoluerit, liberam conferendi habeat facultatem. Quod ut ratum sit, presens scriptum contulimus nostro sigillo communitum. Magistro Michaele Preposito, Custodia vacante, Symeone Decano existentibus. Anno ab Incarnacione Domini millesimo ducentesimo nonagesimo.

(Eredetie bőrhártyán, melyről a káptalan pecsétje zöld selyemzsinóron függ; a nemz, muzeum kézirattárában. V. ö. Fejér Cod. Dipl. VII. k. 1. r. 236. l.)