Nos Ladizlaus Dei gracia Rex Hungarie memorie commendantes significamus tenore presencium vniuersis, quod ad peticionem domine Elisabeth sororis nostre, et aliarum dominarum sororum de Insula Sancte Marie, de gracia speciali in quadam uilla sua Cholnuk vocata feria quarta forum liberum concessimus celebrari. Vnde volumus publice proclamari, quod quicunque ad ipsum forum venire voluerit causa mercacionis faciende, libere veniat et secure, nullusque ad ipsum forum venientes audeat impedire uel aliquatenus presumat molestare. Datum in uilla Labod in crastino Purificacionis Beate Virginis.

(Eredetie bőrhártyán, melynek hátán az odanyomott pecsétnek töredéke megvan, a budai kir. kamarai levéltárban.)