Nos Ladizlaus Dei gracia Rex Hungarie significamus tenore presencium uniuersis, quod ad peticionem karissime sororis nostre domine Elisabeth, et aliarum sororum Beate Virginis de Insula, quosdam populos censuales de Calidis Aquis, qui nobis singulis annis singulas vncias soluere debuerunt; Hethem videlicet, Thomam, et Socropetrum, cum omnibus suis beredibus et terris, quas habent in Calidis Aquis; ut Ecclesie Beate Virginis facultas amplius protendatur, et Christo in eadem ecclesia famulantes Deo deuocius ualeant famulari, duximus perpetuo et inreuocabiliter conferendos. Datum in villa Labad in quindenis Epiphanie Domini.

(Eredetie bőrhártyán, a kivülről oda nyomott pecsét elveszett; a budai kir. kamarai levéltárban.)