Ladizlaus Dei gracia Rex Hungarie fidelibus suis populis de Lelez, ac universis ad Monasterium de Lelez pertinentibus salutem et graciam. Cum nos collectam unius fertonis de siugulis mansionibus populorum ad Monasterium de Lelez pertinencium Stephano et Paulo Magistris filiis Comitis Mychaelis fidelibus nostris contulerimus: volumus et fidelitati uestre precipiendo mandamus, quatenus receptis presentibus dictam collectam unius fertonis de singulis mansionibus uestris eisdem Stephano et Paulo Magistris sine dilacione aliqua dare et persoluere debeatis. Aliud nullatenus facere presumentes; alioquin ijdem super vos ipsam collectam exigent nostra auctoritate mediante. Datum in Zekes sabbato ante octauas Pentecosten.

(Eredetie a pécsi püspöki könyvtár kézirati gyüjteményében.)