Nos Ladizlaus Dei gracia Rex Hungarie memorie commendantes significamus tenore presencium vniuersis: quod nos ad instanciam et peticionem, ac propter meritoria facta Comitis Bogomerij fidelis nostri concessimus eidem, ut nullus in terra sua metis certis distincta, et specialiter in aqua et fluuio Bocha vocato, aurum querere vel lauare, vel aliud aliquod opus exercere audeat vel presumat, nisi ex licencia et voluntate Comitis Bogomerij antedicti. Transgressores huius mandati nostri, si qui fuerint, poterunt non inmerito per ipsum Comitem Bogomerium aggrauari. Datum Bude tercio die octauarum Jacobi Apostoli.

(A szepesi káptalannak 1792-ki átiratából; a Szent Iványi család levéltárában. V. ö. Fejér Cod. Dipl. V. k. 3. r. 511. l.)