Ladizlaus Dei gracia Rex fidelibus suis vniuersis Judicibus in Regno suo constitutis salutem et graciam. Quia Comes Michael filius Wbul, Stephanus, Petrus et Paulus filij eiusdem, Petrum filium Jule contra nos procedentes et nocumenta inferentes occiderunt: precipimus fidelitati vestre, quatenus eundem Comitem Michaelem et filios suos, si de morte ipsorum Petri et Moys, et captiuitate Andree, et ablacione rerum suarum (questio fuerit), non debeatis nec presumatis judicare; cum eosdem Comitem Michaelem, Stephanum et Paulum super morte predictorum Petri et Moys, et super captiuitate eiusdem Andree et seruientum suorum, ac rerum suarum inibi ablatarum, duxerimus absoluendos. Datum in Kewe feria tercia post festum Natiuitatis Virginia Gloriose.

(Eredetie bőrhártyán, a hátul oda nyomott pecsét megvan; a nemes Kállay család levéltárában.)