Ladizlaus Dei gracia Rex Hungarie fidelibus suis... Preposito, Conuentui, jobagionibus et populis Monasterij de Leles salutem et graciam. Quia nos consideratis fidelitatibus et meritorijs seruicijs Magistrorum Stephani et Pauli filiorum Comitis Michaelis, filij Vbul, Patronatum Monasterij de Leles, quem Boxa, Thomas, Dyonisius, Detricus, Georgius et Symon filij Symonis ex nostra collacione possedisse dicuntur, propter manifestos et notorios excessus filiorum eiusdem Symonis, et a Lachk et Donch filijs ipsius Thome auferendo, predictis Stephano et Paulo Magistris dedimus et contulimus ex nostra gracia speciali; fidelitati uestre firmiter precipiendo mandamus, quatenus eosdem Stephanum et Paulum Magistros, aut hominem ipsorum, reuerenter tamquam nostram personam recipiatis, omnia iura, seruicia et debita consueta eidem plenarie ministrantes, et aluid nullatenus facere audeatis, nostra indignacione grauiter sencientes interesse. Datum in Karansebes sabbato proximo ante festum Apostolorum Philippi et Jacobi.

(Eredetie bőrhártyán, a hátul oda nyomott pecsét elveszett; a nemes Kállay család levéltárában.)