Ladizlaus Dei gracia Rex Hungarie fidelibus suis Capitulo Waradiensi salutem et graciam. Cum nos quasdam possessiones Pauli et fratrum suorum filiorum Cosme, Damarad, Dobos et Byztruch uocatas et ad eas pertinentes, iuxta Ticiam in Comitatu de Zobouch existentes, propter eorundem excessus manifestos, quos contra nostram Regiam Maiestatem commiserunt, Comiti Michaeli filio Vbul, Stephano et Paulo Magistris filiis eiusdern contulimus: fidelitati vestre precipimus et mandamus, quatenus vestrum detis testimonium, coram quo Jurk filius Jule homo noster reambulet predictas possessiones vicinis et commetaneis presentibus, et statuat eidem Comiti Michaeli et filijs suis supradictis, si non fuerit contradictum; contradictores nihilominus ad nostram Presenciam ad terminum competentem euocetis, et post hec seriem tocius facti nobis rescribatis. Datum Bude feria quarta proxima post festum Beati Jacobi Apostoli.

(Eredetie bőrhártyán, a zárpecsét elveszett; a nemes Kállay család levéltárában.)