Ladizlaus Dei gracia Rex Hungarie fidelibus suis vniuersis tributarijs per Zomus constitutis, ac hospitibus de Zothmar et de Nempty, nec non tributarijs in eisdem existentibus, ac eciam alijs tributarijs de Zothmar et de Nempti usque in Zomuszygh residentibus salutem et graciam. Cum nos vniuersas naues Comitis Mychaelis, Stephani et Pauli filiorum eiusdem fidelium nostrorum, lapides aut cementum per fluuium Zomus differentes pro construccione castri eorundem, ab omni tributo, que in Zomus exigi consueuerunt, reddiderimus expeditos: volumus, et fidelitati uestre firmiter precipimus et districte, quatenus receptis presentibus nullus uestrum tributum super ipsas naues exigere audeat uel presumat. Alioquin quicunque ex uobis nostrum mandatum transgressi fueritis, indignacionem Regiam se grauiter sencient incurrisse. Datum in Zekas sabbato ante Pentecosten.

(Eredetie bőrhártyán, a hátul odanyomott pecsétnek nyoma még megvan; a nemes Kállay csalidnak levéltárában.)