Ladizlaus Dei gracia Rex Hungarie fidelibus suis Comiti... de Zotmar, ac vniuersis judicibus, quibus expedit et presentes ostendentur, salutem et graciam. Cum Stephano et Paulo filijs Michaelis hanc graciam specialem pro seruicijs et fidelitatibus eorundem duxerimus faciendam, quod ijdem et homines ad ipsos pertinentes a potestate seu jurisdiccione et judicatu Comitis de Zotmar, nec non aliorum judicum exempti omnino habeantur: volumus et fidelitati vestre precipiendo mandamus, quatenus prefatos filios Micaelis nullus vestrum audeat et presumpmat judicare; sed si qui aliquid accionis habent contra ipsos, coram nobis prosequantur iuris ordine obseruato; et nos de eisdem iusticie faciemus complementum. Datum prope Ceble in octauis Sancti Regis Stephani.

(Eredetie börhártyán, a hátul oda nyomott pecsét elveszett; a nemes Kállay család levéltárában. v. ö. Fejér Cod. Dipl. v. köt. 3. r. 455. l.)