Ladizlaus Dei gracia Rex Vngarie fidelibus suis vniuersis nobilibus, iobagionibus Castri, castrensibus, et alijs omnibus, tam hospitibus liberarum villarum, quam alijs cuiuscun que condicionis hominibus in Comitatu de Vgacha constitutis, salutem et graciam. Quia in omnibus factis vestris nostre Maiestati fidele seruicium inpendistis, prout ex relacione Comitis Mikaelis, Magistri Stephani et Pauli filiorum eiusdem, dilectorum et fidelium nostrorum intelleximus, regraciari uobis Regio cum fauore volumus. Igitur et fidelitati vestre firmiter precipiendo mandamus, quatinus eundem Comitem Mykaelem, et filios suos predictos, tanquam Parochialem Comitem vestrum, non obstantibus quibuslibet litteris nostris, reuerenter recipere debeatis et seruicia consueta eisdem ad plenum inpendentes; aliud obtentu nostre gracie plenioris non facturi. Datum in Chanad in dominica proxima post festum Beati Barnabe Apostoli.

(Eredetie bőrhártyán, a hátul oda nyomott pecsét elveszett; a n. Kállay család levéltárában.)