Ladizlaus Dci gracia Rex Hungarie fidelibus suis Comiti Georgio, Potestati Juratis et ciuibus de Sibenigh salutem et graciam. Intelleximus, quod vos ciues nostros de Tragurio incessanter molestaretis, plurima damna eisdem inferendo. Super quo vestre fidelitati precipiendo mandamus, quatenus nullam molestiam, nullum damnum predictis ciuibus de Tragurio vlterius inferre presumatis. Quia nos predictos ciues de Tragurio, et populos Ecclesie nostre Tragurieusis in nostram recipimus graciam et proteccionem specialem; aliud non facturi. Volumus eciam, quod honeste persone ex vobis ad nos accedant nos visuri; quia nos ad illas partes accedemus in breui Domino concedente. Datum in Och in festo Sancti Georgij martiris.

(Lucius, Memorie storiche di Trau. 92. l.)