Excellentissimo domino suo L. Illustri Regi Hungarie Capitulum Ecclesie Strigoniensis oraciones debitas et deuotas. Litteras Uestre Serenitatis recepimus continentes, quod nos cum Magistro Gregorio clerico uestro vostrum hominem mittere deberemus, cuius testimonio idem Magister G. accederet super faciem terrarum Zolontha, Zakalus et Zulgagewr uocatarum, quas sorores Ecclesie Sancte Marie de Insula Budensi ex collacione Bele Regis aui uestri, et domini Stephani Regis inclite recordacionis patris uestri, et uestra se dicunt possedisse, et quod idem Magister G. conuocatis commetaneis et vicinis ipsas terras reambulando per veteres et antiquas metas, erigeret nouas metas iuxta antiquam limitacionem earundem, et easdem terras statuat dominabus sororibus Ecclesie Beate Virginis pacifice possidendas. Nouerit itaque Uestra Regia Celsitudo, quod cum nos receptis huiusmodi litteris Uestre Maiestatis hominem nostrum cum Magistro G. misissemus postmodum ijdem Magister G. homo uester et homo noster ad nos reuersi nobis retulerunt; quod idem Magister G. predictas terras Zolontha, Zakalus et Zulgageur nominatas commetaneis suis et vicinis, jobagionibus scilicet Castri Kamariensis, et alijs conuocatis, et eisdem presentibus, ac preter Nicolaum filium Pynkusd non contradicentibus cum omnibus utilitatibus ac pertinencijs earum statuit et assignauit iuxta uestrum mandatum dominabus sororibus Ecclesie Beate Virginis possidendas. Sed predictus Nicolaus filius Pynkusd, qui se dixit esse jobagionem Castri Kamariensis, ibidem, et eciam postmodum coram nobis protestatus est et dixit, quod ipse et Ladizlaus frater suus in predicta terra Zakalus haberent particulam terre hereditariam, super qua, videlicet eorum porcione, contradixit coram nobis. Mete autem, liminitaciones et termini ville Zolonta Zakalus, quos quidem terminos siue metas Magister G. et homo noster in scriptis nobis exhibuerunt, hoc ordine distinguntur: Prima meta a parte septemtrionali est villa Beryn et Ecclesia Waciensis in Dudwag, terminus ibi uocatur Kakthu in aqua Dudwag; item secunda meta siue terminus est villa Staul tawarnicorumin paludibus; item ab oriente confinatur cum Ecclesia Jauriensi usque piscariam in Dudwag, que vocatur Chyug; item supra Chyugthu est quidam terminus qui uocatur Thou Dudwag et Kueskuth, qui eciam pertinet ad villam Zakalus supradictam; item ab eadem parte diuidit et distinguit quedam via N. a parte populorum Archiepiscopopalium; item ab oriente et ab eadem parte vie Scylos descendit ad terram ubi sunt due mete in ipsa terra, que meta a parte inferiori Archiepiscopo Strigoniensi, superior uero meta distinguit et diuidit ville Zakalus supradicte; item a parte meridionali sunt due piscature, que Weyzhel uocantur in Myler, que sunt ipsorum populorum de Zakalus; item in via, per quam itur ad ecclesiam, sunt duodecim piscaciones, que Wyzhel uocantur. Nec tamen hoc obmittimus, quod predictus Nicolaus a nobis requisitus nomen et quantitatem terre sue non expressit. Datum feria quinta ante festum Beate Marie Magdalene.

Kivül: Domino suo Illustri Regi Hungarie.

(Eredetie bőrhártyán, a zárpecsét elveszett; a budai kir. kamarai levéltárban.)