Excellentissimo domino suo L. Dei gracia Regi Vngarie Capitulum Quinqueecclesiense oraciones in Domino. Receptis litteris Celsitudinis Uestre, nomine ac uice venerabilis patris domini nostri J. Dei gracia Quinqucecclesiensis Episcopi hominis uestri, officiali suo Swmchev Benedicto nostrum hominem concessimus, ut coram eo quandam terram Kaplan uocatam, quam dominabus sororibus Ecclesie Beate Virginis de Insula contulistis, peramburat (igy) et statueret eisdem; si uero fieret contradictum, contradictoribus in uestram presenciam euocatis. Idem homo noster, vna cum eodem Svmchev Benedicto ad nos rediens nobis retulit viua uoce: Quod ipse Benedictus accedendo super faciem ipsius terre Kaplan perambulauit eandem; sed Comes Morixan filius Morfan contradixit; quem Morixanum idem Benedictus citauit in presenciam uestram, terminum uidelicet quintumdecimum diem ante festum Beati Egedij computando assignauit. Et hoc Uestre duximus Excellencie rescribendum, quum sic receperimus in mandatis. Datum in tercia feria post festum Sancti Egidij.

Kivül: Domino Regi Vngarie.

(Eredetie bőrhártyán, a pecsét elveszet, a budai kir. kamarai levéltárban.)