Andreas Dei gracia Rex Hungarie, Dalmacie, Croacie, etc. fidelibus suis Capitulo Ecclesie Agriensis salutem et graciam. Dicit nobis Comes Batiz Magnus filius Markus, quod mediantibus litteris Capituli Vachyensis cum Nicolao et Symone filijs Symonis pari uoto et communi voluntate inter se tale fecissent concambium: quod idem Nicolaus et Symon filij Symonis quandam possessionem eorum Gumur vocatam, olim per dominum Stephanum Regem clare recordacionis pro morte dicti Symonis Comitis patris ipsorum traditam et donatam, cum omnibus vtilitatibus et pertinencijs vniuersis per modum concambij, nec non cum tribus vinitoribus eorum, duobus videlicet filijs Bodow, et filio Petri filij Mychaelis eidem Comiti Batiz et heredibus eorum (így) heredumque suorum successoribus tradidissent perpetuo et irreuocabiliter possidendam. E conuerso idem Comes Batiz Castrum suum Zeules, a domino Ladizlao illustri Rege Hungarie pie memorie sibi traditum et donatum, cum omnibus terris et possessionibus sen vtilitatibus vniuersis ad ipsum Castrum pertinentibus, quemadmodum in litteris Capituli Ecclesie Vachyensis reperiebamus plenius contineri, petens nos cum instancia, vt mediante nostro et vestro hominibus eundem Comitem Batiz ad dictam possessionem Gumur statuere dignaremur. Igitur fidelitati Vestre firmiter precipiendo mandamus, quatenus vnum ex vobis mittatis pro testimonio fidedignum, quo presente Beke filius Paznan de Val alijs absentibus homo noster, accedat ad faciem dicte possessionis Gumur, et ibi vicinis et commetaneis suis vniuersis legitime conuocando, et coram eosdem vicinos et commetaneos (így) eiusdem possessionis Gumur eundem Comitem Batyz ad dictam possessionem Gumur statuere et perpetuare debeant, si non fuerit contradictum; contradictores vero, si qui diete statucioni et reambulacioni metarum et ereccionibus earundem, si et ubi necesse fuerit, extiterint, extunc eundem vel eosdem ad octauas festi Beati Mychaelis Archangeli venturas nostram Regiam euocent in Presenciam; si uero contradictores non extiterint, extunc statucione facta per legitimos dies continuos in eadem possessione Gumur expectando, cum eisdem vicinis et commetaneis eiusdem possessionis vniuersis metas eiusdem per ueteres et antiquas metas perambulent, si et ubi oportunum extiterit, nonas metas erigere faciant, et omnia premissa et premissorum singula nobis in litteris vestris fideliter rescribatis. Datum Bude feria sexta progima post festum Beati Jacobi Apostoli anno Domini M°CC °LXXXX° primo.

(Az egri káptalannak 1291-ki bizonyságleveléből, mint alább 39. sz. a.)