Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus tam presentibus quam futuris presens scriptum inspecturis salutem in salutis largitore. Ad vniuersorum noticiam tenore presencium volumus peruenire, quod cum contra Albertum Ducem Austrie filium Regis Romanorum pro iniuria nobis illata nostrum exercitum amouissemus, et ad venerabilem Ecclesiam nostram Albensem pro eleuando vexillo nostro accessissemus, Magister Theodorus Prepositus eiusdem Ecclesie nostre Albensis, aule nostre Vice-Cancellarius, Comes Ladizlaus frater eiusdem, et Nicolaus filius Comitis Nicolai filius fratris eorundem ad nostram accedentes presenciam exhibuerunt nobis priuilegium Regis Ladizlai clare memorie patruelis fratris nostri, supex collacione - - m terre Sytke uocate confectum, petentes cum instancia, vt nos ipsum priuilegium ratum habere et nostro dignaremur priuilegio confirmare. Cuius quidem priuilegij tenor talis est:

Ladizlaus D. gr. Hungarie stb. Rex stb. (következik IV. László királynak 1274-ki adománylevele mint gyűjteményünk IX. vagyis a második folyam IV. kötetében 63. l.)

Nos itaque peticionibus dicti Prepositi et fratrum suoram assensum fauorabilem adhibentes, dictum priuilegium Ladizlai Regis patruelis fratris nostri non cancellatum, non abrasum, nec in aliqua sui parte uiciatum, de uerbo ad uerbum presentibus insertum auctoritate presencium confirmamus, duplicis sigilli nostri munimine roborando; sigilla eciam venerabilium patrum dilectorum et fidelium nostrorum Lodomerij Dei gracia Strigoniensis, et Johannis Colocensis Archiepiscoporum apponi fecimus uberiorem ad cautelam. Datum per manus eiusdem Magistri Theodori Prepositi Albensis aule nostre Vice-Cancellarij dilecti et fidelis nostri, anno Domini M°CC° nonagesimo primo, quinto Nonas Julij, Regni autem nostri anno primo.

(Eredetie a Rumy család levéltárában, másolata a magyar akademia kézirattárában.)