Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentes litteras inspecturis salutem in omnium saluatore. Ad vniuersorum tam presencium quam futurorum noticiam harum serie volumus peruenire, quod cum contra Albertum Ducent Austrie, filium Regis Romarum, pro iniuria nobis illata nostrum exereitum mouissemus, et ad venerabilem Ecclesiam nostram Albensem pro eleuando vexillo nostro accessissemus; Magister Theodorus Prepositus eiusdem Ecclesie, aule nostre Vice Cancellarius, Comes Ladizlaus frater eiusdem Prepositi, et Nicolaus filius Nycolai, filius fratris eorundem, dilecti et fideles nostri exhibuerunt nobis priuilegium domini Ladizlai Regis, karissimi fratris nostri patruelis inclite recordacionis, super collacionem (igy) terre Chuefeldy uocate, petentes cum instancia, ut ipsum priuilegium approbare, ratificare et nostro dignaremur priuilegio confirmare. Cuius quidem priuilegij tenor talis est:

Ladizlaus D. gr. Hungarie stb. Rex stb. (következik IV. László királynak 1274-ki adománylevele mint gyűjteményünk IX. vagyis a második folyam IV. kötetében. 66. l.)

Nos itaque peticionibus eorundem Prepositi, Comitis Ladizlai et Nycolai iustis et legitimis fauorabiliter inclinati, ipsum priuilegium domini Ladizlai Regis non cancellatum, non abrasum, non diminutum, nec in aliqua sui parte uiciatum, de uerbo ad uerbum presentibus inseri fecimus et nostro priuilegio comuniri. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas, sigilla venerabilium patrum, dilectorum et fidelium nostrorum, Lodomerij Dei gracia Strigoniensis, et Johannis Colocensis Archiepiscoporum apponi fecimus vberiorem ad cantelam. Datum per manus predicti Magistri Theodori Prepositi, aule nostre Vice-Cancellarij anno Domini M°CC° nonagesimo primo, quinto Nonas Julii, Regni autem nostri anno primo.

(Eredetie a Rumy család levéltárában, másolata a magyar akadémia irattárában.)