Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presens scriptum inspecturis salutem in Domino sempiternam. Ad vniuersorum noticiam harum serie volumus peruenire: quod Jengul villicus de Tyrna, et hospites ad eandem ciuitatem pertinentes, scilicet de villis Wyhfolu, de Gyuruncher, et de Monorod, ad nostram accedentes presenciam exhibuerunt nobis priuilegium domini Stephani Regis Hungarie, felicis recordacionis predecessoris nostri karissimi, super solucione seu facto cybrionum confectum; petentes a nobis cum instancia ut ipsum priuilegium ratum habere et nostro priuilegio de benignitate Regia dignaremur confirmare. Cuius quidem priuilegij tenor talis est:

Stephanus D. gr. Hungarie stb. Rex stb. (következik V. István királynak 1270-ki okmánya, mint gyüjteményünk VIII. vagyis a második folyam III. kötetében 305. l.)

Nos itaque iustis et legitimis peticionibus prefatorum Jengul Villici et hospitum fauorabiliter inclinati, predictum priuilegium domini Stephani Regis non abrasum, non cancellatum, nec in aliqua sui parte viciatum, ratum habentes et acceptum, de uerbo ad uerbum presentibus inseri fecimus et auctoritate presencium communiri. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas. Datum per manus discreti viri Magistri Theodori Prepositi Albensis, aule nostre Vice Cancellarij dilecti et fidelis nostri; anno Domini millesimo CC° nonagesimo primo, decimo octauo kalendas Octobris, Regni autem nostri anno secundo.

(Eredetie bőrhártyán melynek vörös-sárga selyemzsinóron függött pecsétje elveszett; Nagyszombat sz. k. város levéltárában. Ugyanott őriztetnek Mátyás királynak 1481-ki „ datum Bude feria secunda proxima ante festum Omnium Sanctorum” és II. Lajos királynak 1523-ki „ datum Bude in festo Pentecostes” ezen okmányt megerősítő privilegiumai is.)