(A)ndreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore. Ad uniuersorum noticiam tenore presencium harum serie volumus peruenire; quod accedentes ad nostram presenciam Nicolyn, Isaac, Ladizlaus, Andreas, Ileres et Jacobus, iobagiones Castri nostri Posoniensis de Jalka, exhibuerunt nobis patentes litteras Magistri Opowr Comitis nostri Posoniensis, super facto collacionis cuiusdam terre Castri nostri Posoniensis Apka vocate in eodem Comitatu Posoniensi existentis, per nos eisdem facte confectas; petentes a nobis cum instancia, vt ipsas patentes litteras ratas habere, et nostro dignaremur priuilegio confirmare. Quarum quidem patencium litterarum tenor talis est:
Nos Magister Opowr stb. (következik Apor mester pozsonyi főispánnak 1291-ki okmánya, mint alább 50. sz. a.)
Nos itaque consideratis fidelitatibus dictorum Nicolyn Isaac, Ladizlai et Andree, ac aliorum cognatorum eorundem, ut ijdem nobis et Castro nostro Posoniensi commodius et expedicius ualeant sua seruicia exhibere: dictas patentes litteras Comitis nostri Posoniensis ratas habentes et acceptas, de uerbo ad uerbum presentibus insertas, patrocinio nostri priuilegij duximus confirmandas; ipsam terram predicti Castri nostri Apka vocatam ab ipso Castro nostro exceptam et exemptam, cum omnibus vtilitatibus et pertinencijs suis eisdem iobagionibus Castri nostri et ipsorum successoribus possidendam perpetuo et habendam relinquendo; sine tamen preiudicio iuris alieni. In cuius rei memoriam perpetuamque firmitatem presentes concessimus duplicis sigilli nostri munimine roboratas. Datum per manus discreti viri Magistri Theodori Albensis Ecclesie Prepositi, aule nostre Vice Cancellarij, dilecti et fidelis nostri anno Domini M°CC° nonagesimo primo, quarto nonas Decembris, Indiccione quarta, Regni autem nostri anno secundo.
(Eredetie bőrhártyán, a zöld-vörös-sárga selyemzsinóron függött pecsétnek töredeke megvan még; a budai kir. kamarai levéltárban.)