Nicolaus servus servorum Dei venerabili fratri Johanni Archiepiscopo Jadrensi salutem et Apostolicam benedictionem. Ad Universalis Ecclesie regimen Diviua dispositione vocati circa statum cuiuslibet aciem sollicite considerationis extendimus, pastoralis partes officii vigilantius adhibentes, ut Ecclesie singule a pastoribus gubernentur ydoneis, et Rectoribus utilibus disponantur. Dudum siquidem Jadrensi Ecclesia per obitum bone memorie L. Jadrensis Archiepiscopi pastoris solatio destituta, Capitulum ipsius Ecclesie pro futuri substitutione pastoris convenerunt in unum, et cum tandem nonnulli ex dictis Capitulo Magistrum Andream Capsoni Canonicum Ecclesie Paduane in Jadrensem Archiepiscopum elegissent, reliqui ad venerabilem fratrem nostrum... Gradensem Patriarcham, loci superiorem, ab electione huiusmodi appellarunt; coram quo aliquandiu negotio huiusmodi ventilato, nos in eo postmodum per appellationem ad Sedem Apostolicam legitime devoluto dilectum filium nostrum I. tituli Sancte Cecilie Presbiterum Cardinalem concessimus partibus Auditorem. Verum postea idem Magister Andreas, cupiens sue prouidere quieti, iuri, si quod sibi in electione huiusmodi extiterat acquisitum, in nostris manibus renuntiavit expresse. Nos itaque huiusmodi renuntiatione recepta, ad provisionem ipsius Ecclesie salutarem debita solercia consurgentes, ut ipsam avertamus a dispendiis, que solent Ecclesiis ex vacatione diutina provenire, in te professorem Ordinis Fratrum Minorum, quem, ut fidedignorum testimonio laudabili accepimus, virtuosum predicant fluenta virtutum ac titulo multe circumspectionis extollunt, oculos direximus nostre mentis. Quapropter sperantes in Domino, quod per ministerium tue virtutis in multis expertum et experientia comprobatum prefata Ecclesia in prosperitatem consurget optatam, et brachio tue consolationis subnixa in spiritualibus et temporalibus, auctore Domino, gratis proficiet incrementis; te ipsi Ecclesie de fratrum nostrorum consilio preficimus in Archiepiscopum et pastorem, tue prudentie curam et administrationem ipsius temporaliter et spiritualiter committendo, postmodum tibi de nostris manibas munere consecrationis impenso. Rogamus itaque fraternitatem tuam et hortamur in Domino, per Apostolica scripta mandantes, quatenus curam et administrationem ipsius Ecclesie tue fidelitati commissas devoteque susceptas sic prudenter studeas gerere, ipsarumque onus prudentius supportare, quod in grege tibi tradito fructus multiplices illi bono pastori acceptos, qui dat affluenter, et non iuproperat, quique actus sibi placidos dirigit in viam salutis eterne, id sic efficaciter supernis adiutus auxiliis impleturus, quod proinde una cum tuis subditis merearis cum electis in districto examine in dexteram collocari sempiterne letitie dulcedine fruiturus. Datum apud Urbemveterem II. Idus Februarii, Pontificatus nostri anno tercio.

In e. m. Capitulo Ecclesie Jadrensis, Clero Ciuitatis et Diocesis Jadrensis, nobili uiro Comiti, Consiliariis et populo Ciuitatis et Diocesis Jadrensis, et universis Suffraganeis Ecclesie Jadrensis.

(Theiner, Yetera Monumenta Slavorum Meridionalium historiam illustran tia I. köt. 109. l.)