Lodomerius miseracione Diuina Archiepiscopus Strigoniensis locique eiusdem Comes perpetuus vniuersis presencium noticiam habituris salutem in Domino. Nouerint uniuersi presencium noticiam habituri, quod cum inter nos nomine Magistri Thome Prepositi Sancti Thome martiris de Promontorio Strigoniensi, scolaris Paduani, et Capituli loci eiusdem ex una parte, et Conuentus religiosarum personarum sororum Monasterij Sancte Marie de Insula iuxta Budam e altera, super medietate tributi fori de Ueteri Pest, quam ex collacione felicis recordacionis quondam Emerici Regis Hungarie competere sibi dicebat, predicte Ecclesie Sancti Thome, cuius Ecclesie ad nostram solicitudinem pertinentis, procuracionem nos gerimus quoad presens, primum coram Ladizlao Rege Hungarie, et nunc coram Andrea Dei gracia Regni Hungarie Rege illustri, mota fuisset materia questionis; et ipsa questio fuisset aliquamdiu uentilata, et postmodum per nos, et fratres Vgrinum filium Parazth de genere Chaak, Gregorium Lectorem, Paulum et Briccium de Ordine Fratrum Predicatorum, ipsarum religiosarum sororum procuratores legaliter institutos, et de ratihabicione earundem sanctimonialium mandato sufficienti munitos, in personam domini nostri A. Regis sub apposicione certe pene pecuniarie, quam pars non acceptans soluere deberet parti arbitrium acceptanti, ex utraque parte compromissum fuisset; tandem utriusque partis instrumentis coram deputatis a domino nostro Rege Prelatis et Baronibus iusticie zelantibus hinc inde exhibitis, plene perlectis, diligenter examinatis et plenius intellectis, ante euentum arbitrij siue laudi promulgandi per ipsum dominum nostrum Regem, in hanc pacifice composicionis seriem pari concordia et communi consensu deuenimus nos et ipsi fratres superius nominati, tocius Conuentus predictarum religiosarum sororum procuratores, sindici seu defensores: quod nomine et uice nominatorum Prepositi et Capituli Sancti Thome ipsam dimidiam partem tributi fori de Ueteri Pest prefatis sororibus cum iure proprietatis et perpetui dominij reliquimus possidendam perpetualiter et habendam, assignatis in manus prefatorum Fratrum procuratorum sepedicti Conuentus omnibus iustrumentis, que super iure percipiendi partem dimidiam eiusdem tributi habebat Ecclesia Sancti Thome, omnibus alijs instrumentis quocunque ingenio siue causa nunc non aparentibus omnibus omnino viribus carituris. In cuius tributi permutacionem siue concambium sepefati Fratres ipsius Conuentus expresso mediante consensu contulerunt, tradiderunt, assignauerunt et dederunt quandam uillam Isa uocatam, sitam iuxta Danobium in Comitatu de Comarun penominate Ecclesie Sancti Thome cum omnibus vtilitatibus et pertinencijs suis, uidelicet pisscaturis, insulis, siluis, fenetis, terris arabilibus cultis sev incultis, et vniuersis alijs communitatibus (így „ commoditatibus” helyett) quocunque nomine censeantur, sub eisdem metis et terminis, quibus honorabilis et religiosus ipsarum dominarum Conuentus prefatam villam Isa titulo donacionis seu collacionis felicis recordacionis quondam Regis Hungarie Bele quarti possederat ad hec tempora, pure, quiete plene et pacifice, pleno iure assignato dicte Ecclesie Sancti Thome, prefati Bele Regis priuilegio collacionem seu donacionem eiusdem ville Isa plenius et expressius continente. In cuius rei memoriam presentes dari fecimus litteras cum apensione nostri sigilli autentici munimine roboratas. Datum apud Budam anno Domini M°CC° nonagesimo primo, dominica proxima post Ascensionem Domini.

(Eredetie bőrhártyán, melyről a pecsét kék-sárga zsinóron függ, a budai kir. kamarai levéltárban.)