Nos Capitulum Jauriensis Ecclesie memorie commendandantes significamus quibus expedit presencium per tenorem, quod Laurencio et Demetrio filijs Zynk nobilibus de Zynk pro se ab una parte, Barch filio Barch similiter pro se de eadem ex altera, coram nobis personaliter constitutis, ijdem Laurencius et Demetrius porcionem suam quam habent in terra Clementis ac Egidij proximorum suorum sine herede decedencium, quam quidem porcionem Comes Gregorius filius Petri mediantibus nostris priuilegialibus litteris eisdem pro quinque marcis et fertone latorum denariorum Viennensium antiquorum uendidit coram nobis, eidem Barch filio Barch pro tribus marcis consimilium denariorum Viennensium pignori obligarunt; tali modo, quod quandocunque uoluerint et facultas eis suppeterit, pro sumpma superius expressa redimendi habeant liberam facultatem. Datum tercia feria proxima post festum Beate Katerine uirginis; anno Domini M° ducentesimo nonagesimo primo.

(Eredetie bőrhártyán, a pecsét hátúl volt oda nyomva, de már lemállott, a nemz. muzeum kézirattárában.)