Nos Capitulum Ecclesie Waradiensis damus pro memoria, quod Gregorio filio Petri, et Paulo filio Pauli de Zomogu ab una parte, item Johanne filio Gregori de Byr, astante sibi Comite Laurencio filio Pauli cognato suo, ab altera coram nobis personaliter constitutis, propositum extitit per eosdem; quod in causa, quam ijdem Gregorius et Paulus super facto dimidietatis terre Byr nominate contra eundem Johannem vicesimo secundo die Beati Michaelis Arcangeli coram domino Rege habebant, propter bonum pacis per arbitrium proborum virorum ad talem formam composicionis deuenis sent: quod dictus Johannes pro redempcione dimidietatis memorate terre Byr, quam ipsi Gregorius et Paulus nomine sui iuris ab eodem repetebant, ut prediximus, decem et octo marcas, partim in denarijs pro tempore currentibus, partim uero in extimacione condigna, prefatis Gregorio et Paulo in octauis Beati Nicolai confessoris nunc uenturis coram nobis soluere teneretur et deberet, cum duplo, si terminum obmitteret in soluendo; facta autem totali solucione sepedicti Gregorius et Paulus litteras nostras stabiles super facto predicte medietatis terre Byr ipsi Johanni filio Gregori dari facere assumserunt et conferri. Datum quarto die quindenarum Beati Michaelis Archangeli anno Domini M°CC° nonagesimo primo.

(Bőrhártyán kelt zárt levél, melynek hátára szintazon kéz ezeket írta „ super decem et octo marcis persoluendis ad octauas Beati Nicholai confessoris pro Johanne filio Gregori.” Másolta Horvát István a Kállay nemzetség levéltárából.)