Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in Domino sempiternam. Ad vniuersorum noticiam tenore presencium volumus peruenire, quod vniuersi Saxones de Cibinio ad nostram accedentes presenciam, nobis significare curauerunt, quod lomina relicta Comitis Arnoldi sine herede decedentis de villa Apold, duandam terram siue possessionem suam Enyed vocatam, quam ex collacione Regis Stephani prefatus Arnoldus maritus eiusdem dinoscitur possedisse, secundum libertatem Saxonum more debito et consueto, Christiano filio Ludveg genero suo et filie sue, videlicet consorti eiusdem Christiani, reliquisset donasset et legasset iure perpetuo et irreuocabiliter possidendam, eo iure et ea plenitudine, quemadmodum prefatus Comes Arnoldus ipsam possessionem tenuit et possedit; petentes a nobis cum instancia, ut nos collacionem dicte relicte Comitis Arnoldi iuxta eorundem libertatem factam ratificare et approbare dignaremur, ac nostro priuilegio confirmare. Quorum nos iustis peticionibus inclinati, ipsam collacionem relicte Comitis Arnoldi dicte possessionis ville Enyed vocate factam approbantes ratifica mus, et nostro presenti priuilegio confirmamus, duplicis sigilli nostri munimine roborando. Datum per manus discreti viri Magistri Theodori Prepositi Albensis Ecclesie, aule nostre Vice Cancellarij dilecti et fidelis nostri. Anno millessimo ducentesimo nonagesimo secundo, undecimo calendas Julii, Regni autem nostri anno secundo.

(Teutsch és Firnhaber, Urkundenbuch zur Geschichte Siebenbürgeng I. köt. Bécs 1857. 180. l.)