Nos Andreas Dei gracia Rex Hungarie memorie commendantes significamus quibus expedit vniuersis, quod nos quasdam terras Petre et Paulus jobagionum Castri de Kuazth Woyzlo uocatas in Comitatu Barana existentes, reliquimus, nobilibus et religiosis dominabus, sororibus scilicet de Insula Beate Virginis possidendas et habendas, eo modo et ea plenitudine, quemadmodum mediantibus patentibus litteris Bele et Stephani Regum, illustrum recordacionum, karissimorum auorum nostrorum, nec non et Regis Ladizlai karissimi fratris nostri patruelis, ipsas terras habuisse et possedisse dignoscuntur vsque modo. Datum Bude feria sexta proxima ante Dominicam Ramispalmarum anno Domini M°CC° nonagesimo secundo.

(Márton alországbirónak 1297-ki itéletéből.)