Capitulum Ecclesie Beati Michaelis Archangeli Trans siluane vniuersis Christi fidelibus tam presentibus quam futuris presens scriptum inspecturis salutem in salutis largitore. Ad vniuersorum noticiam tam presencium quam futurorum harum serie volumus peruenire; quod accedentes ad nostram presenciam Andreas filius Syke, item Symon jobagio Castri de Zounuk filius Raak, et cum legitimis procuratorijs pro filio suo Jacobo, et Johannes filius Marcelli fili Vsa, concorditer coram nobis comparentibus sana mente spontaneaque et bona voluntate dixerunt et sunt confessi oraculo viue vocis, quandam terram ipsorum hereditariam, Pinthuc vocatam in Comitatu de Zonuk existentem cum omnibus vtilitatibus suis et pertineucijs vniuersis, iuxta veteres et antiquas metas certas ac de nouo per jobagiones Castri de Zonuc (separ)atas et erectas; videlicet processus metarum distinguntur sic, prima meta incipit super unum byrche Kabalas vocatum, et ibi separat de metis Nyma; deinde progreditur ad plagam meridionalem, et super eum byrche procedendo usque superiorem partem vallis Gurgus, et ibi separat de metil Vrman; deinde tendit et progreditur ad terram Chec nominatam, et transit ad vnum byrche, et in eadem plaga progreditur ad unum montem; et abhinc tendit ad ununi byrche, et ibi flectitur ad aquilonem; in bono spacio procedendo veniet ad unam siluam super Sylkereke; abhinc autem progreditur ad Donchcmezey, et ibi descendendo separat de Gykynus, et super eundem rywlum descendendo progreditur iuxta Kudur, et ibi separat de metis Kudur; deinde vero procedit ad unum byrche uersus Dyaky, et ibi separat de Dyaky, et ibi directe illam vallem transeundo perueniet ad Almahata; et abhinc autem transit Kuesdfw, et ibi processus metarum difiniuntur et determinantur de voluntate et consensu omnium iobagionum Castri de Zonuc, videlicet Ade, Marci fili Belus; Pauli et Abrahe fratrumeiusdem et Scenke, Tobias; et aliorum commethaneorum, scilicet Johannis fili Marcelli, ac aliorum, nullo penitus contradictore existente, Ladizlao filio Ladizlay de genere Borsa quondam Wayouode Transiluanie, et per eum heredibus heredumque suorum successoribus vendiderunt et tradiderunt pro octuaginta marcys fini argenti, coram nobis plene habitis et receptis. Condicione nichilominus huiusmodi mediante, quod ab omnibus litibus et questionibus ullo unquam tempore per quempiam emergentibus, prephatum Ladizlaum Vayouodam aut suos heredas Andreas filius Syke, Symon filius Raac, Jacobus filius eiusdem, et Johannes filius Marcelli supradicti, aut ipsorum heredas, tenebuntur expedire proprijs laboribus et expensis, et in pacifica possessione conseruare. Nos igitur huiusmodi uendicioni calliditate malignancium processu temporis non possit retractari, ad instanciam et peticionem vtriusque partis presentes concessimus litteras, sigilli nostri impressione communitas. Datum Magistro Michaele Preposito, Gregorio Cantore, Paulo Custode, Saulo Decano Ecclesie nostre existentibus, anno Domini M°CC° nonagesimo secundo.

(Eredetie bőrhártyán, pecsét nélkül, a gróf Bánfi család levéltárában Kolozsvártt. Szabó Károly.)