Capitulum Ecclesie Beati Mychaelis Archangeli Transiluane vniuersis Christi fidelibus tam presentibus quam futuris presens scriptum inspecturis salutem in omnium saluatore. Vuiuersorum noticie harum serie declaramus, quod Paulus et Petrus filii Gerus nobiles de Gerusteleke vocate pro se ipsis et pro domina Eebe sorore suarum, cum veris et litteris legitimis procuratorialibus personaliter coram nobis fuerunt constituti, cuiusdam terram ipsorum hereditariam Gerusteleke uocatam in Comitatu de Thorda circa vndam fluuii Aranias existentis pari uoluntate et communi consensu cum omnibus vtilitatibus suis et pertinenciis vniuersis, siluis, pratis, terris arabilibus et fenetis, sub antiquis metis et terminis, quibus ipsam terram habuerunt et possederunt, dederunt, tradiderunt et irreuocabiliter uendiderunt, Comiti Johanni filio Vrkund nobili de Thordalaka, similiter personaliter astanti, pro triginta marcis bone pecunie plene solutis et receptis, in filios filiorum, here dumque su orum successoribus tenendam possidendam pariter et habendam. Item predictas res pro Comite Johanne, super predictam possessionen, persoluit Magister Demetrius filius Herbarth nobilis de Revd, socius suus, ipsis nobilibus prenotatis. In cuius rei testimonium perpetuamque firmitatem ad peticionem et instanciam predictorum presentes concessimus litteras munimine nostri sigilli roboratas. Datum Magistro Mychaele Preposito; Gregorio Cantore, Paulo Custode, And - - existentibus, anno Domini M°C°C° nonagesimo secundo.

(Teutsch és Firnhaber, Urkundenbuch zur Geschichte Siebenbürgens I. köt. 182. lap.)