Omnibus Christi fidelibus presentes litteras inspecturis Capitulum Ecclesie Posoniensis salutem in Domino. Ad uniuersorum noticiam tenore presencium uolumus peruenire, quod Comite Paulo filio Comitis Cosme de Bozin ab una parte; Ladizlao filio Stephani parui de Chollokuz ab altera constitutis personaliter coram nobis; idem Comes Paulus est confessus, quod quia prefatus Ladizlaus seruiens Comitis Cosme fratris sui eidem Cosme a multis temporibus retroactis fidelia et meritoria seruicia diuersis casibus fortune se exponendo temporibus et locis oportunis indefesse exhibuit et impendit; et maxime quia ipsum Comitem Cosmam ab articulo mortis prompto et ordinato per Ebeyhardum tunc Comitem Posoniensem, auxilio et fideli seruicio liberauit; pro cuius liberacione idem Ladizlaus ablatis omnibus bonis suis proprijs et populorum suorum in villa, sua iuxta Humoro existente, maximum dampnum, et proscripcionem, ac graues iniurias subpor tauit. Volens idem Comes Paulus pro hijs omnibus tot et tantis seruicijs fidelibus et admodum oportunis, partim pro sua propria pecunia, partim uero pro obsequijs predicto Comiti Cosme fratri suo per ipsum Ladizlaum exhibitis et impensis, recompensacionem facere meritoriam et condignam, quandam possessionem suam hereditariam ipsum inmediate contingentem, videlicet dimidietatem possessionis Pharistar vocate in Chollokuz existentis, cum omnibus utilitatibus suis, scilicet terris arabilibus et non arabilibus, pratis, fenetis, pascuis pecorum, siluis, aquis et piscinis ac suis pertinencijs uniuersis, recipiens eciam ab eodem coram nobis unum bonum equum pro viginti marcis estimatum et insuper quinque marcas in denarijs ad manum persolutas, sepedictus Paulus dedit, donauit et tradidit eidem Ladizlao et suis heredibus heredumque suorum successoribus perpetuo et irreuocabiliter possidendam. Cuius quidem aliam dimidietatem prefatus Comes Cosmas eidem Ladizlao eodem Paulo presente et consenciente dedit et dorauit perpetuo possidendam, prout in alijs litteris nostris priuilegialibus plenius continetur. Obligando se, quod quicunque processu temporum eundem Ladizlaum aut suos heredes racione predicte terre vel possessioris attemptaret forsitan molestare, ipse Comes Paulus tenebitur eos expedire proprijs laboribus et expensis. In cuius rei memoriam presentes concessimus litteras sigilli nostri munimine raboratas. Datum anno Domini millessimo ducentessimo nonagesimo secundo.

A B C

(Eredetie bőrhártyán, zöld-vörös függő pecsét alatt; a budai kir. kamarai levéltárban.)