Nos Capitulum Ecclesie Sancti Mychaelis Archangeli de Castro Ferreo notum facimus tenore presencium vniuersis, quod Comes Petrus filius Itemerij ab vna parte, Comes Markys de Ozkou ab altera coram nobis personaliter constituti recitarunt, quod cum idem Comes Petrus ipsum Comitem Markys ad presenciam domini Nicolai Palatini ordine judiciario euocasset in facto cuiusdam terre, que a Herena et Guge de propinquiori linea consanguinitatis Comitis Itemerij descendentibus ipsi Comiti Markys prouenerat, et ipsa causa inter partes aliquamdiu fuisset ventilata: tandem partes propter bonum pacis iuxta sentenciam et arbitrium proborum virorum in talem pacis et concordie titulum deuenerunt; quod prescriptus Comes Markys receptis septem marcis a Comite Petro reliquit ipsam terram, racione cuius agebatur contra ipsum, Comiti Petro supradicto, tam per ipsum quam per suos successores pacifice et quiete irreuocabiliter possidendam. Cuius quidem terre mete hoc ordine distinguntur: quod videlicet prima meta incipit ab aquilone, vbi sunt due vie venientes a villa Perezteg et a villa Kaan coniunguntur; de qua per vndecim metas directe ad meridiem descendit ad pratum Sedfeu nuncupatum, vbi ipse mete iunguntur alijs metis Comitis Petri supradicti, et eedem per Comitem Petrum eleuate sunt et erecte, que ab occidente separat terram Ozkou, ab oriente vero Markys Comiti supradicto. Quod vt ratum sit, presens scriptum contulimus nostro sigillo communitum. Magistro Mychaele Preposito, Cosma Cantore, Blasio Custode, Petro Decano Ecclesie nostre existentibus. Anno ab Incarnacione Domini M°CC° nonagesimo secundo.

(Ugyan a vasvári káptalannak 1328-ki átiratából, mely Lajos király 1378 „ Datum in Vysegrad quinto die festi Ascensionis Domini” kelt parancsára. 1378 „ in festo Beatorum Petri et Pauli Apostolorum” ujból kiadatott; a. budai kir. kamarai levéltárban.)