Anno M°CC° nonagesimo secundo die X. intrante Madij. Dumini Symon et Gausigna Comitis Marini; Marinus eorum nepus pro eorum parte, et nomine domini Comitis Georgij; et Salomon pro parte sua; et Gregorius domini Episcopi pro ipsius parte, eorum bona et propria voluntate vendiderunt et dederunt predicto domino Symoni Potestati nomine et vice Communis Tragurij recipienti, Generali et Maiori Consilio dicte Ciuitatis ibidem congregato, presente et volente, a crastina die inantea ad tres annos proximos venturos totam intratam et prouentus, quam et quos habent et habere debent ipsi et ipsorum quilibet, vel aliqui alij pro eis, de porta et pro porta Ciuitatia prope pontem ad habendum, tenendum, possidendum, recipiendum, et recipi faciendum; et quicquid de ipsa intrata seu prouentibus per totum dictum tempus trium annorum dicto Communi placuerit faciendum. Promittentes predicti domini Simon, Gauzigna et Marinus pro eorum parte tantum, et dictus dominus Gregorius pro parte domini Episcopi. Pro quo eciam promisit, quod firmum habebit per eos et suos heredes dicto domino Potestati pro dicto Communi recipienti de predictis litem aliquam vel questionem per totum dictum tempus trium annorum non facere vel mouere; immo predicta omnia pro parte eis contingenti firma et rata habere et tentre. Et hoc fecerunt pro XL libris Venet paru. pro quolibet anno pro tota intrata dicte porte; quas XL libras Communi Tragurij soluere debeant pro quolibet anno in festo Sancti Michaelis de Septembri. Hoc tatum addito, quod si predicti vel aliquis ipsorum emerint de introitibus Communis, excepto de beccaria seu cresta, debeant partem sibi contingentem de ipsis XL libris in ipsa empcione comprensabunt et computabunt. Predicta omnia inter eos facere et obseruare promiserunt; et contra non facere vel venire, sub pena centum librarum, et obligacione bonorum dicti Communis, et bonorum ipsorum dominorum Simonis, Gausigna, Marini et Georgij; de quibus facte sunt due limiles littere, vna Communi, et alia predictis dominis Simoni, Gausigna et Marino.

(Lucius, Memorie storiche di Trau 98. I. Töredékét közölte már Fejér Cod. Dipl. VII. k. 4. r. 222. l.)