Excellentissimo domino suo Andree Dei gracia Illustrissimo Regi Hungarie Magister Demetrius Comes de Zolum debite fidelitatis obsequium cum timore. Recepto mandato et precepto Uestre Celsitudinis, cum Magistro Petro aule uestre clerico hominem nostrum nomine Prencylum pro testimonio nostro misimus fidedignum ad reambulandam terram Myka, filij Radun, Benedicti et fratrum suorum filiorum Modach, item Phylipi filij Thome, et fratris eiusdem Nycolay filij Wolkan, et Bytou ac fratrum suorum filiorum Tobye, hereditariam scilicet ipsorum inter fluuios Waranysta et Lococha uocatos adiacentem, et quandam particulam terre ipsorum iuxta riuulum Heburche existentis, super qua per custodes siluarum nostrarum de Badun ijdem impetebantur coram uobis. Qui demum ad nos reuersi communiter et concorditer retulerunt, ut terram ipsorum Myka et fratrum suorum predictorum inter fluuios Waranista et Lococha existentem, et ipsam particulam terre iuxta ryuulum Heberche existentem, predicte terre ipsorum contiguam, et in metis eiusdem conclusam, presentibus omnibus commetaneis et vicinis circueundo et reambulando, ac nouas metas iuxta ueteres erigendo, statuisset idem Magister Petrus, presente eodem homine nostro ipsi Comiti Myka, Benedicto, Phylipo, Nycolao, Bytou et fratribus eorum predictis, nullo penitus contradictore existente. Cuius quidem terre mete, prout per eosdem hominem uestrum et nostrum comprehense extiterunt atque vise, hoc ordine distinguntur: Prima meta incipit a fluuio Goron, ubi quidam ryuulus, qui Heburche nominatur, cadit in ipsum fluuium Goronet ibi sunt due mete terree ueteres, et due noue, in quarum una est arbor zylfa, que vltra ipsum riuulum Heburche est, que quidem separat a terra filiorum Sauli; inde ascendit directe per eundem riuulum Heburche, et peruenit ad duas metas terreas veteres, in quarum una est arbor gyartyanfa, et duas metas nouas ex utraque parte ipsius riuuli erectas, in quarum una est zylfa, que separant a silua Regali a parte septemtrionali; deinde per ipsum ryuulum Heburche directe asscendendo peruenit ad caput ipsius ryuuli Heburche, et ibi est una arbor bykfa terra signata pro meta inter duas metas terreas, que iterum separant a parte septemtrionali a silua Regali; deinde asscendit ad unum montem siue unum berch, et tendit uersus orientem, et peruenit ad quandam wallem que Egurfeu nuncupatur, ubi sunt due mete, in quarum una est egurfa, et in alia est teulfa, que similiter separant a silua Regali; inde directe asscendendo peruenit ad duas metas, in quibus duabus sunt due arbores teulfa; deinde per eundem berch gyrat, et protenditur uersus partem meridionalem, et peruenit ad tres metas ueteres, in quarum duabus sunt due arbores teulfa, et ad duas nouas metas terreas; deinde descendit ad unam vallem, que Weresferteffeu nuncupater; et inde descendit uersus partem meridionalem ad caput cuiusdam riuuli Jezenicha uocati, qui separat adhuc a silua Regali, ubi sunt due mete, in quarum una est gyartanfa et in alia est bykfa; et sic per ipsum riuulum descendendo peruenit ad tres metas ueteres, in quarum una est arbor gyartanfa, et in alia est tulfa, et tercia meta terrea, et ad duas nouas metas terreas, et ibi cadit in riuulum Lokocha, qui eisdem est pro meta a parte meridionali, qui separat directe desscendendo a terris Ladizlai, Zerechun et Dama, custodum siluarum uestrarum; et inde ab ipso ryuulo Lokocha transeundo uenit ad tres ueteres metas terreas et duas nouas, que separant a parte occidentali a terris Paznani, Nysik et Radizlaj piscatorum uestrorum de Halaz; abhinc declinat uersus fluuium Goron ad quemdam locum Mogosmorth uocatum, et ibi transit fluuium Goron ad partem occidentalem, et per ipsum fluuium Goron siue per quandam uenam eiusdem asscendit uersus septemtrionem, et peruenit ad quendam ryuulum Welchena uocatum, ubi sunt tres ueteres mete terree et due noue; et ibi exit et asscendit per ipsum ryuulum Welchena ad partem occidentalem, qui separat a terris populorum de Zelnicha, et peruenit ad duas metas ueteres et duas nouas; et ibi exit ab ipso ryuulo Welchena, et uadit uersus septemtrionem, et peruenit ad duas metas ueteres et duas nouas, que separant a custodibus siluarum uestrarum de Badun; abhinc uadit iterum ad duas metas ueteres et duas nouas angulares; deinde uadit ad duas metas ueteres et duas nouas, et ibi cadit in quendam ryuulum Moholnicha uocatum; et per eundem riuulum uadit directe, et cadit iterum in fluuium Goron, ubi sunt due mete; et per eundem fluuium Goron, seu venam eiusdem fluuij a parte occidentali existentem directe asscendit, et cadit iterum ad quemdam ryuulum Heberche uocatum, et ibi terminatur. Datum in Zolum feria tercia proxima post dominicam. Letare.

(III. Endre király 1293-ki adományleveléből mint fentebb 71. sz. a.)