A B C

Capitulum Ecclesie Nitriensis omnibus Christi fidelibus ad quos presentes littere peruenerint salutem in Domino sempiternam. Ad vniuersorum noticiam tenore presencium uolumus peruenire, quod Marcellus et Dominicus filij Mico pro se et pro Wgernech, ac pro Iwano filio (Michaelis) personaliter astantibus; Farcas filius Mathie, et Alexander filius Macrabeus, Gude filius Tonk pro se et pro Nicolao ac pro Petro fratribus suis, nobiles de - - - ad nostram presenciam accedentes, proposuerunt publice per hunc modum: quod de terra Hecchen, quam olim Bense filius Benedicti cognatus eorundem mediantibus litteris priuilegialibus Ladizlai pie recordacionis quondam Regis Vngarie possedisset, de eadem terciam partem ipsius terre Hecchen, in eisdem metis et terminis, vtilitatibus et pertinencijs vniuersis, sicut in predicto priuilegio Regali plenius continetur, a parte meridionali, ubi terra Mathie filij Manchyk uicinatur domine Katha relicte Bense, sepedicti in solucionem et satisfaccionem dotis sue et rerum parafarnalium, quamdiu uixerit, et pro quarta duarum filiarum ipsius Bense - - Margareta et Kucha uocatarum, et heredibus earundem statuerunt et reliquerunt possidendam. Assumpmentes sepedicti nobiles firmiter se obligando: quod si processu temporis racione predicte partis Hecchen eedem domine per consanguineos aut propinquos eorundem nobilium molestarentur, easdem deffendere et protegere tenerentur proprijs laboribus et expensis. In cuius rei testimonium, et ad maiorem stabilitatem presentes litteras concessimus sigilli nostri munimine roboratas. Datum quarto nonas Nouembris anno Domini M°CC° nonagesimo tercio. Magistro Farkasio Lectore Ecclesie nostre existente.

(Eredetie bőrhártyán, sárga-violaszinű selyemzsinóron függő pecsét alatt; a budai kir. kamarai levéltárban.)