A B C

Capitulum Ecclesie Beati Martini de Scepus omnibus Christi fidelibus presentibus et futuris presencium noticiam habituris salutem in omnium saluatore. Quoniam memorie nouercatur obliuio, dignum est, ut dicta temporaliter scripturarum patrocinio fulciantur. Proinde ad vniuersorum noticiam harum serie uolumus peruenire: quod cum in spoliacione ecclesie nostre memorate per Serenissimum Regem Hungarie Ladizlaum et suos Neugares illata inter dampna quamplurima sigillum nostrum deperditum fuisset et ablatum, et nos iniquorum fraudulentas calumpniositates equitatis tramite retundere cupientes, omnium generum litteras sub ipso sigillo nostro deperdito conscriptas, que noui nostri sigilli testimonio renouate non fuissent, premissa proclamacione publica viribus uacuatas reuocandas decreuissemus ad cautelam; nobilis vir Symon gener Comitis Jan ad nostram personaliter accedens presenciam exhibuit nobis litteras nostras priuilegiales sub antiquo et deperdito nostro sigillo memorato prius emanantas, humiliter nobis supplicando et deuote, ut easdem sub noui nostri sigilli testimonio rescribere faceremus, eodemque renouare ad cautelam. Quarum tenor de uerbo ad uerbum talis est:

Capitulum Ecclesie Beati Martini de Sypus stb. (következik a szepesi káptalannak 1283-ki bizonyságlevele mint gyüjteményünk IX. vagyis a második folyam IV. kötetében 318. lap.)

Nos igitur iustis et legittimis peticionibus eiusdem Symon annuentes predictas nostras litteras priuilegiales non rasas, non caucellatas, nec abolitas, de uerbo ad uerbum presentibus inseri fecimus, nostroque sigillo nouo et mediocri renouando roborari ad cautelam. Datum in festo Beati Georgij martiris anno Domini M°CC° nonagesimo tercio.

(Eredetie bőrhártyán, zöld-vörös selyemzsinóron függő pecsét alatt; a budai kir. kamarai levéltárban.)