A B C

Nos Capitulum Ecclesie Beati Michaelis de Castro Ferreo notum facimus tenore presencium vniuersis: quod Comes Emiricus filius Itemeri de Nadasd, Dominicus et Emiricus filij eiusdem, coram nobis personaliter constituti porcionem eorum totalem cum omnibus vtilitatibus suis et pertinencijs; quam habere se dicebant in terra Wzkou nuncupata, vendiderunt Comiti Petro filio Itemeri de Makua pro octo marcis plenarie receptis ab eodem coram nobis, in perpetuum pacifice et quiete possidendam; Martino et Bors filijs Chame cognatis eorundem presentibus, et vendicioni ac empcioni prescriptis non contradicentibus, ymo permittentibus et consensum prebentibus de eisdem per omnia liberalem; ita plene, uti nec ijdem Comes Emiricus et filij Chame antedicti, uel heredes eorundem, prescriptam porcionem modo premisso venditam retractandi ab ipso Comite Petro aut filijs eiusdem vnquam vllo tempore habeant potestatem. In cuius rei memoriam pleniorem presens scriptum contulimus nostro sigillo communitum; anno Domini M°CC° nonagesimo tercio; Magistro Michaele Preposite, Cosma, Cantore, Blasio Custode, Symone Decano Ecclesie nostre existentibus.

(Eredetie bőrhártyán, a vörös-zöld selyemzsinóron függött pecsét elveszett; a budai kir. kamarai levéltárban.)