Nos Conuentus Cruciferorum Domus Hospitalis Sancti Regis Stephani de Strigonio damus pro memoria; quod Petrus filius Andree filij Yexe de Bayna personaliter ad nostram accedens presenciam dixit protestando: quod prefatus Andreas pater suus, et idem Petrus antea iam dudum Comitem Andream filium Renoldy, et Beke filium eiusdem de Boztuh, ab empcione et occupacione terre Bayna uocate, que terra fuit domini, Regis, et Nycolaum filium Phylypus a uendicione et alienacione publice prohibuisset. Et cum super ipsa prohibicione nostras litteras eo tempore fecissent emanari; postmodum predictus Comes Andreas, et Beke filius eiusdem de Boztuh, ipsas litteras nostras protestatorias in destruccione et spoliacione eorundem Andree et Petri filij sui inter alias res mobiles et inmobiles ipsorum constitutas recepissent; et nunc predictus Petrus pro se et pro Andrea patre suo renouando ipsam protestacionem denuo exstitit protestatus contradicendo predictis videlicet Comiti Andree, et Bekc filio suo, ac alijs filijs suis ab occupacione predicte terre Bayna, et Nycolao filio Phylipus, ab alienacione publice prohibendo, et super ipsas destrucciones et spoliaciones iterato suam faciens protestacionem. Datum in festo Pasce anno Domini M°CC° nonagesimo tercio.

Kívül: Pro Petro filio Andree de Bayna contra Comitem Andream et Beke filium suum super protestacione sua et prohibicione terre Bayna.

(Eredetie bőrhártyán, a zárpecsét elveszett; a budai kir. kamarai levéltárban.)