Uniuersis presentes litteras inspectara Capitulum Ecclesie Strigoniensis salutem in Domino sempiternam. Ad vniuersorum noticiam tenore presencium uolumus peruenire; quod nos respicientes nostre Ecclesie meliora, totalem terram nostram sitam inter minorem Danubium, et inter clausuram molendinorum nostrorum de Taplycha de Strigonio, a stagno, quod Nycolaus aurifaber Strigoniensis fecit ibidem, nobis contradicentibus et inuitis, usque ad locum molendini eiusdem Nicolai, et fossatum seu meatum aque de loco eiusdem molendini in minorem Danubium decurrentis, ab eodem Nycolao propter ipsius insolencias et inportanitates multimodas iure dominij reuocantes; vnacum alia terra nostra, que incipit ab angulo orti Heremitarum de Claustro Sancte Anne, et ueniendo circa sepem orti Kunch pelliparij iobagionis nostri usque meatum fluuij, de clausuris eorumdem molendinorum nostrorum exeuntis, et usque ad fossatum Strigoniense existit, Nycolao filio Martini aduenticio in Strigonium de uilla Aranyas, de partibus montis Matra et obhoc Aranyas uulgariter appellatur, ac per eum suis heredibus, Myconi videlicet, Mychaeli et alijs nascituris, locauimus et dedimus in perpetuum plenarie possidendam. Condicione tamen huiusmodi mediante; vt per spacium quatuor annorum proxime futurorum, a data presencium scilicet continue computando, idem Nycolaus et sui heredes ac posteri racione terragij annualis nobis nichil dare debebunt; quinto autem anno et sic deinceps perpetuo, annuatim soluent nobis fertonem vsualium Regalium monetarum, tunc temporis ad valorem mercimonialis argenti in ciuitate Strigoniensi currentis; et eiusdem Nycolai et suorum heredum (így) ad edificacionem domorum, edium et naurorum eiusdem terre nostre in facie construendorum, de monte nostro de Taplycha lapides usque ad sufficienciam concedemus; balneorum et molendinorum nostrorum via, et loco molendini eiusdem Nycolai, ibi nichilominus libere remanente. Insuper eidem Nycolao et suis heredibus ac posteritatibus promisimus liberaliter et libenter, vt melioraciones suas, si quas super facie eiusdem terre nostre fecerint suis laboribus et expensis, et ullo umquam tempore uendicioni duxerint exponendas, nobis prius requisitis, ut expedit terre dominis, si nos eas ad nos non decreuerimus redimendas, alijs hominibus vendendi, sub premisso honore et debito condicionis, habebunt liberam facultatem. In cuius rey firmitatem et memoriam sempiternam presentes litteras eidem Nycolao, et suis heredibus, sigilli nostri appensione dedimus communitas. Datum per manus discreti viri Magistri Cypriani, Ecclesie nostre Lectoris; anno Domini millesimo ducentesimo quarto, in capite kalendarum mensis Aprilis.

A B C

(Az eredeti után Knauz Nándor Magyar Sion III. köt. 848. 1. Kivonatát lásd Fejérnél Cod. Dipl. VI. k. I. r. 340. 1.)