Nos Capitulum Ecclesie Budensis significamus vniuersis, quos scire expedierit, quod Dominicus et Vincencius filij Pentuk de Calidis Aquis coram nobis personaliter constituti confessi sunt; quod domum siue palacium Comitis Nicolai filij Ereus auunculi ipsorum reliquerunt sororibus de Insula Beate Virginis libere ac perpetuo possidendum, secundum quod predictus Comes Nicolaus prefatis dominabus sororibus legauerat adhuc uiuens, non obstante quocunque testamento uel quacunque ordinacione facta a Comite Nicolao supradicto; renunciantes omni iuri, si quod in dicto palacio aut in fundo curie eidem palacio adherentis siue adiacentis habuerunt tempore succedente. In cuius rei memoriam et firmitatem presentes litteras concessimus sigilli nostri munimine roboratas. Datum per manus discreti viri Magistri Ladizlai Lectoris Ecclesie nostre, anno Domini M°CC° nonagesimo quarto. Magistro Paulo Cantore, Magistro Gregorio Custode, Johanne Decano, ceterisque Canonicis presentibus, existentibus.

(Eredetie bőrhártyán, melyről a káptalan pecsétje hártyazsinegen függ, a budai kir. kamarai levéltárban.)